Happy new year!

Sælar stúlkur mínar. Takk fyrir síðast. Það var æðislegt að hitta ykkur heima hjá S&S og þvílíkar móttökur sem við fengum! Ég er enn að hugsa um súkkulaðikökuna og bombuna hennar Sonju! Kærar þakkir fyrir mig.

Ég sit hér með litla manninum mínum og borða cheerios og horfi á Línu Langsokk í sjónvarpinu. Við ætlum að skella okkur norður í kvöld og vera þar yfir áramótin - komum svo aftur heim 2. janúar. Eftir það tekur skólinn við. Við ætlum að gista hjá mömmu hans Adda og knúsa hana Skottu okkar.

Um hádegi á gamlársdag skundum við síðan upp í Steinadal, sveitina hans Adda, og hittum stórfjölskylduna þar. Seinnipartinn borðum við saman og höldum síðan úr þegar myrkra tekur og kveikjum eld. Fjölskyldan safnast saman við brennuna - ungir sem aldnir. Þá skjótum við upp flugeldum, kveikjum á stjörnuljósum og höfum það kósý. Það er sérstök tilfinning að vera þarna um áramótin, við fylgjumst t.d. með hverjum og einum skjóta sinum flugeldi upp þannig að maður nýtur þess miklu meira - finnst mér. Eftir það er komið inn og borðað meira og horft á skaupið. Á Hólmavík verður síðan diskótek og pöbbinn opinn og þar fjölmenna Hólmvíkingar og nærsveitungar og kyssast og knúsast, dansa og spjalla fram á rauða nótt.

Á nýjársdag er síðan rosa matarboð hjá Hrafnhildi systur hans Adda þar sem stórfjölskyldan hittist aftur og heldur áfram að borða þar sem Hrafnhildur og co. eru þekkt fyrir brjálæðislegar veitingar! Við erum að tala um jólahlaðborð dauðans stelpur (ekki slæmt í þynnkunni).

Þá vitið þið hvað ég ætla að gera um áramótin stelpur mínar, ég vona að þið eigið eftir að skemmta ykkur vel - hvað sem þið takið ykkur fyrir hendur.

Nýtt ár er að ganga í garð og það þýðir að nýtt tímabil hefst hjá Hafnargellum!

• Við Þorbjörg ætlum í bíó mánudagskvöldið 2.janúar á myndina The Family Stone viljið þið ekki skella ykkur með okkur??

Lýsing: Stone fjölskyldan, eins og flestar fjölskyldur, hefur það fyrir hefð að koma saman á jólunum! Allt virðist ætla að ganga löðurmannslega fyrir sig þar til að uppáhaldssonurinn ákveður að taka kærustuna sína með sér heim um jólin. Kærastan þykir mjög leiðinleg og er ekki vinsæl innan fjölskyldunnar og ekki einfaldast málið þegar í ljós kemur að bónorð er í farvatninu! Sjá nánar hér.

• Legg til að við hittumst fimmtudagskvöldið 12. janúar n.k. á Oliver og fáum okkur að borða saman??
• Tónleikar í höllinni þann 7. janúar n.k.
• Mig langar að bjóða ykkur í mat laugardagskvöldið 21. janúar kl.19.??
• Þorbjörg útskrifast sem hjúkrunarfræðingur í júní.
• Hamingjudagar á Hólmavík dagana 29. júní - 2. júlí.??
• Köbenferð??

Takk fyrir gamla árið stelpur mínar, eða gömlu árin öllu heldur! Fagna nýju ári með gleði og tilhlökkun og vona að það verði jafn vel heppnað og það síðasta. Góðar stundir.

Ykkar - Hildur.