Allt er vænt sem vel er grænt!

Sælar stelpur mínar.

Ég er vissulega á lífi og át ekki yfir mig af hákarli, hrútspungum og súrmeti um síðustu helgi. Ég fór aftur á móti á virkilega hressandi og skemmtilegt þorrablót á Ströndum og skemmti mér rosalega vel!



Já svona skemmtum við okkur í sveitinni!

Annars heyrði ég eitthvað kvart um síðuna þannig að ég lagaði tenglana og breytti útlitinu aðeins - vona að ykkur líki það vel :o) Sonja og Snorri komu í indælt kaffi til mín og Brynjars á föstudaginn og spjölluðum við um heima og geima. Ætlunin er að fara í sumarbústaðarferð um mánaðarmótin mars-apríl, vonandi komast allir með.

Við fjölskyldan ætlum til Albir sem er á Costa Blanca ströndinni, rétt við Benidorm, þann 29. maí til 10. júní n.k. Hægt er að smella hér til að sjá hótelið góða. Við stefum á að fara í vatnsskemmtigarð og á sædýrasafn með piltana ungu og ætlum að leigja okkur bílaleigubíl í 5 daga og keyra um m.a. til Altea, sjávarþorpsins Calpe og kannski alla leið til Valencia.



Við hlökkum rosalega til að fara og eftir að við komum heim tekur útskriftin hennar Þorbjargar við og síðan Hamingjudagar á Hólmavík um mánaðarmótin júní-júlí :o)

Ég hlakka mikið til að hitta ykkur á fimmtudagskvöldið og finnst frábært að við ætlum að halda okkur í grænu línunni ;) Á ég að panta borð e-h staðar?

Góðar kveðjur,
Hildur.