Gleðilegt sumar!

Gleðilegt sumar elsku dúllurnar mínar.

Ég vil byrja á því að óska henni Þorbjörgu minni til hamingju með nýju bloggsíðuna og lýsa yfir ánægju minni yfir þessum tíðindum! Ragga mín til lukku með nýju vinnuna - þetta verður skemmtilegt sumar hjá þér :)

Nú fara Sonja og Snorri að koma heim frá Lundúnum og við bíðum spenntar eftir krassandi ferðasögu. Ég kíkti til þeirra um páskana og þau tóku ekkert smá vel á móti okkur með nýbökuðum vöfflum, súkkulaðiköku og ostum. Þau eru sannir höfðingjar heim að sækja, takk fyrir okkur.

Þorbjörg mín fer senn að ljúka þessu prófum og það styttist aldeilis í útskrift. Við Ragga eigum þá eftir að taka prófin okkar og eftir það getum við allar litið glaðan dag og tökum sól og sumri opnum örmum.

Næst er það samt hittingur á Vegamótum, Vegamótastíg 4, 101 Reykjavík - miðvikudagskvöldið 26. apríl n.k. kl.19:00. Það er ekki hægt að panta borð þannig að það er betra að mæta fyrr en seinna til að fá almennilegt reyklaust borð. Þorbjörg - ég sæki þig kl.18:45! Matseðilinn sjáið þið hér.

Sjáumst hressar og kátar - ykkar Hildur.