Ég elska þig Palli Rós ...

Úff ég var að kaupa mér nýja diskinn með JET BLACK JOE og vááááááá hvað hann er góður... ég held varla vatni yfir honum :) Af hverju er þessi maður ekki orðinn heimsfrægur fyrir löngu? tja ég bara spyr ... en það fyndna við þetta allt saman er að þegar ég fell svona fyrir einhverjum disk, sem gerist nokkuð oft, þá spila ég hann hátt og aftur og aftur og aftur. Nóg með það, nema hvað að þegar ég var að spila diskinn mjög hátt í gær hækkaði ég allt í botn því ég hélt sko að ég væri ein heima og söng hátt og snjallt með hehe! Eftir smá stund ákvað ég svo að fara fram og fá mér eitthvað að drekka, það tekur sko á að þenja raddböndin, og um það bil þegar ég opna dyrnar á grafhýsinu mínu (herbergið mitt) heyri ég son hennar Hrafnhildar kalla á hana "mamma á ég að trúa því að þú þurfir að búa við þetta!" ÚBS! ég sver það að hjarta mitt hætti að slá má stund! og þá heyrði ég Hrafnhildi svara "nei nei þetta stendur ekki lengi yfir" Ég stökk eins og ég átti lífið að leysa aftur inn í grafhýsið mitt, skellti í lás og setti á mig headfónana mína og ákvað bara að fá mér vatn úr krananum inn á baði :) ... mikið öfunda ég ykkur allar að vera komnar með ykkar eigin íbúð :(

kv. Ragga